عارفـه يعنى ايـه رمضآن ؟
يعنى تلاقى المجرم جمب شيخ المسجد فى صلاه التراويح
يعنى لمتى انا واصحابى علشان نقصقص الزينة
يعنى اقعد جمب امى قبل الفجر كل واحدة بمصحفها
يعنى تبقى اكتر جملة اسمعها هى اللهم انى صائم
يعنى البومب والصواريخ والعيال العفاريت للصبح
يعنى استنى ابويا كل يوم وهو جاى ومعاة كيس التمر
يعنى لعب الولاد فى الشارع بالكورة لحد ما يهلكو من التعب
يعنى عم محمد الكهربائى يساهم بفانوس علشان نعلقو فى الشارع
يعنى لمة صحابى فى يوم عالفطار
يعنى لمة العيلة مرة واحدة فى السنة وضحك يسمع العالم كلة
يعنى لما اروح لبياع وميكنش معايا فلوس زيادة يضحكلى ويقولى رمضان كريم
يعنى اعرف وقت الاذان من صوت ولاد حارتنا فى الشارع
يعنى استنى اصحابى يقولولى كل سنة وانتى طيبة
يعنى اصالح كل اللى زعلان منى
يعنى علشان احس بالفقير
يعنى افتكر ذكريات عدت مع ناس كانو فى الدنيا
يعنى وقوف الناس فى الشارع ويوزعو عصير على اللى ماشيين
يعنى تفتكر ذكريات من السنة اللى فاتت وتقعد تضحك عليها
يعنى نتعب فى صلاة التراويح بس برضو نكملها
يعنى ننزل كلنا نصلى الفجر فى المسجد
يعنى تحس ان الشوارع كلها بتضحك
يعنى انزل مع امى واشترى لبس العيد
يعنى نتجمع كلنا ونلعب بالفوانيس
يعنى نتجمع بالليل يوم الوقفة مستنيين صلاة العيد
يعنى لعب الكورة والدورة الرمضانية
يعنى الفول والطعمية والزبادى
يعنى البلح وقمر الدين والخوشاف والتمر الهندى على الفطار
يعنى الحلويات واللمة الحلوة
يعنى لمتنا الحلوة عالسحور
يعنى السهر للصبح
يعنى اصلى التراويح مع صحابى وجيرانى
يعنى اسبح وادعى طول الليل
يعنى اقرأ قرآن طول النهار
يعنى اتعب من الصيام بس استنى المغرب ومفطرش قبلة
رمضـــــــــــــــــان كريـــــــــــــــــم
منقووووووووووووووول
